Plantun de Prouvènço

Pèr coumpara dos planto d'encò nostre

Abies alba & Melica ciliata

Sapin

Abies alba

Pinaceae

Àutri noum : Sap, Sapino, Abet, Sapi.

Noms en français : Sapin pectiné, Sapin blanc.

Descripcioun :
Pèr pas s'engana emé la serento fau regarda coume soun lis aguio o peréu li pigno (o vacheto). Li fueio dóu sapin soun tóuti dins lou meme plan coume un penche, au contro de li de la serento que soun estacado tout à l'entour de la ramo coume uno brosso. De nouta pamens qu'acò marcho pas pèr d'ùni sap fourestié (coume Abies pinsapo). Li pigno, quouro li poudès vèire, se tènon bèn drecho, alor qu'encò de la serento pendoulon.

Usanço :
La pegoulo (bijoun) dóu sapin èi di proun vulneràri. Ero acampado emé de boutihoun coupa en biais e tanca dins li bosso de la rusclo (O. Madon). S'emplegavo en emplastro sus lis estorso (P. Lieutaghi) o dins li tisano contro lou toussi.

Port : Aubre
Taio : 10 à 50 m
Fueio : aguio escaumo
Tipe bioulougico : Faneroufite
Cicle bioulougico : Planto renadivo

Gènre : Abies
Famiho : Pinaceae

Ordre : Pinales

Coulour de la flour : Roso
Petalo : ges
Ø (o loungour) enflourejado : 10 à 15 cm
Flourido : Printèms - Estiéu

Sòu : Ca
Autour basso e auto : 400 à 1900 m
Aparado : Noun
Abriéu à juliet

Liò : Sapiniero - Faio
Estànci : Subremediterran à Subaupen
Couroulougi : Ouroufito-Éuropenco
Ref. sc. : Abies alba Mill., 1768

Aubisco(-cihado)

Melica ciliata

Poaceae Graminaceae

Nom en français : Mélique ciliée.

Descripcioun :
Bèn poulido planto, aquesto aubisco-cihado ! Es uno planto coumuno en mato flaco emé de fueio un pau verdalo e uno enflourejado sedouso. Trachis dins la garrigo, li relarg roucaious e li tepiero seco.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Melica
Famiho : Poaceae
Famiho classico : Graminaceae

Coulour de la flour : Jauno
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Garrigo - Roucaio - Colo
Estànci : Termoumediterran à Mountagnard
Couroulougi : Pancaro entresigna
Ref. sc. : Melica ciliata L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Abies alba & Melica ciliata

ges

Coumpara Sapin emé uno autro planto

Coumpara Aubisco(-cihado) emé uno autro planto